محب اور محبت

ہیٹی (Haiti)میں ایک قیامت برپا ہے، انتہائی خوفناک زلزلے کے بعد اور ایک انتہائی غریب ملک اس وقت گلوبل وارمنگ کا نشانہ بن گیا ہے ، وہی گلوبل وارمنگ جس سے نظریں چرا کر ہم سب اپنی اپنی زندگیاں گزار رہے ہیں جو ہر سال ہزاروں لوگوں کی ہلاکتوں کا سبب بن رہا ہے، سونامی ہو ، کٹرینہ ہو ، پاکستان کا زلزلہ ہو یا اب تازہ ترین ہیٹی کا زلزلہ ہو۔ دنیا کے مختلف ملکوں میں یہ تباہی اور بربریت کا مظاہرہ کر رہا ہے اور انسانوں کو کرہ ارض کو تباہ کرنے سے روکنے سے خبردار کرنے کی کوشش کر رہا ہے مگر انسان اب تک غافل ہے اور غافل ہی رہنا چاہتا ہے۔

پچھلے سال گلوبل وارمنگ پر ہونے والی کانفرنس بے نتیجہ رہی اور سوائِے وعدے وعید کے کچھ خاص کام نہ ہوا کیونکہ دنیا پر قابض ضمیر اور انسانیت سے عاری سرمایہ داروں کا گروہ پیسوں کے لیے سب کچھ کرنے کو ہمہ وقت تیار ہے پر انسانیت کے لیے کچھ بھی کرنے کا سوچ کر ہی انہیں موت محسوس ہونا شروع ہو جاتی ہے۔

ایک اندازے کے مطابق تقریبا ڈیڑھ لاکھ سے زیادہ لوگ اس جان لیوا زلزلے میں زندگیاں گنوا بیٹھے ہیں اور تیس لاکھ سے زائد لوگ اپنے گھر بار گنوا بیٹھے ہیں اور انہیں مدد کی سخت ضرورت ہے۔ اس سلسلے میں ہیلپنگ ہینڈز یو ایس اے  (Helping Hand USA) مدد کے لیے اپیل بھی کر رہی ہے اور مدد کے لیے شہرت بھی رکھتی ہے۔ ویب سائٹ ایڈریس اور نمبر مندرجہ ذیل ہیں

www.hhrd.org

1-888-808-4357

جس قدر ہو سکے اور جتنی استطاعت ہے ہیٹی کے زلزلہ زدگان کی مدد کرنی چاہیے