نادیہ خان واہ واہ
Tuesday، 12 January 2010 | مصنف: محب علوی
کافی پہلے لکھنا تھا اس موضوع پر گردش دوراں نے مہلت ہی نہ دی البتہ میں نے احتیاط اس پوسٹ کو سرخی کے ساتھ ڈرافٹس میں رکھ لیا تھا وہی آج کام آ گیا۔
نادیہ خان جہاں تک مجھے یاد پڑتا ہے سب سے پہلے کلیاں یا انکل سرگم کے ساتھ کسی پروگرام میں آئی تھی اور اس کے بعد اپنی صلاحیتیوں اور قابلیت کے زور پر آگے ہی بڑھتی گئی ۔ کئی عمدہ ڈرامے کیے جن میں مجھے بندھن کافی پسند ہے ، اس کے علاوہ شاید ایک ڈرامہ اڑان میگا کاسٹ کے ساتھ بھ تھا۔
اب کافی عرصہ سے نادیہ جیو ٹی وی پر صبح کا طویل دورانیہ کا ایک پروگرام کرتی ہیں جو کافی مقبول ہے اور واقعی ایک اچھا اور معیاری پروگرام ہے۔ نادیہ کافی سلجھی ہوئی باتیں کرتی ہے اور اپنے پروگرام کے ذریعے کافی لوگوں کی تربیت بھی کر رہی ہے بس ڈانس کا شوق کم کر لے تو بہت ہی عمدہ تعلیم و تربیت کا پروگرام بھی بن سکتا ہے۔ اس کے کچھ حصے تو لاجواب ہیں جیسے
واہ واہ پاکستان
ایک اور حصے میں ایک لڑکی دو ڈھول والوں کے ساتھ لوگوں کی غلطیوں پر انہیں پکڑتی ہے ، ان سے ان کی غلطی منواتی ہے ، انہیں پھولوں کا ہار پہناتی ہے اور پھر اس پر ڈھول بجواتی ہے یعنی بھگو بھگو کر خطا کے پتلوں کو آن سکرین مارتی ہے۔
نادیہ نے پچھلے سال بہترین ہوسٹ کا ایوارڈ جیتا ہے جو کہ یقینا ایک بہت بڑا اعزاز ہے اور میں اس پر تہہ دل سے نادیہ کو مبارکباد پیش کرتا ہوں۔ کوئی بھی شخص جو پاکستان کے لیے اعزاز حاصل کرتاہے ، پاکستان کا نام روشن کرتا ہے قابل احترام ہے۔
میں ٹی وی کبھی کبھار ہی دیکھتا ہوں ۔ سو میں نے دیکھا تو نہیں لیکن سنا تھا کہ نادیہ خان کا کردار معین اختر ادا کرتا ہے
افتخار اجمل بھوپال´s last blog ..دوسرا ستون ۔ اخلاق یعنی سلوک برتاؤ
آپ بھی کیا چھچھوروں کی تعریف کرنے بیٹھ گئے..
مکی´s last blog ..ماروسا ڈیسٹریلز
محب علوی کس ہستی کا زکر چھڑ دیا ۔ بہت ہی زبردست چیز ہے ہر فن مولا ہے ۔ جب بھی بولتی ہے ۔ کیا بولتی ہے ۔ سب سے بڑی بات کہ ڈرتی نہیں ہے کل کیا ہو گا اس کے ساتھ ۔ کئی دکھی لوگوں کے لبوں پر مسکراہٹ لانے والی نادیہ خان ۔ بہت ہی گریٹ ہے ۔نادیہ خان واہ واہ
افتخار صاحب میں سمجھا نہں کہ کیا مطلب ہے آپ کے جملے کا
محب علوی´s last blog ..نادیہ خان واہ واہ
مکی یار ہتھ ہلکا رکھا کرو
نادیہ کی کچھ چیزیں مجھی بھی نہیں پسند مگر مجموعی طور پر وہ اچھی ہے اور اس کی خوبیاں اس کی خامیاں پر حاوی ہیں۔
آج کے قحط الرجال میں وہ غنیمت ہے اور جس سے لوگ اتنی محبت کریں اس میں ضرور کوئی بات ہوتی ہے ورنہ اللہ ایسے ہی کسی کو عزت نہیں دیتا۔
محب علوی´s last blog ..نادیہ خان واہ واہ
نادیہ خان اچھی ہوسٹ ہےمگر کبھی اُورایکٹنگ کرتی ہے کبھی حد سے زیدہ بولڈ ہوجاتی ہے ۔ اور اس میں کوئی شک نہیں کہ کچھ لوگ نادیہ کو “چھچھوری ” کہتے ہیں
نادیہ خان ٹی وی اینکرز میں سے اُن چند لوگوں میں ہیں جن کو دیکھ کر مجھے سخت کوفت ہوتی ہے۔ ویسے شاید وہ اچھی ہو لیکن ایک ہی جیسے چہرے روز روز دیکھ کر دل بھر جاتا ہے۔
محمد احمد´s last blog ..انگریزی کا رعب