حسین اور کاروبار یزید
Tuesday، 29 December 2009 | مصنف: محب علوی
کیا ستم ہے کہ آج پیروئے یزید بھی
ماتم کناں ہیں لے کر نام حسین ہی
وہ جو دست یزید پر بیعت کیے ہیں ظلم کی
وہ جو کھیلتے ہیں جسم و جاں سے سادہ دلوں کی
وہ بھی روتے ہیں لے کر نام حسین ہی
میں دس بہ دست گزارش ہے ساہوکاروں ، سرمایہ داروں ، سیاستدانوں ، حکمرانوں اور علمائے سو سے عرض کر رہا ہوں کہ آیتیں ، حدیثیں اور جانے کتنی مقدس چیزیں بیچ کر بھی ان کا دل نہیں بھرا تو فریب و ریا کے لیے کوئی اور شے ڈھونڈ لیں مگر خون حسین فروخت کرنا بند کر دیں۔ کسی کو تو چھوڑ دیں، خون حسین پر تو اپنی دکانیں نہ سجاؤ ، حسین کے لہو کی سبیلیں تو نہ لگاؤ ، حسین کی قربانی کی تجارت تو نہ کرو۔ حسین کا نام لے کر اپنے قد اونچے کرنے کی ناکام کوشش تو نہ کرو ، حسین کی اعلی ظرفیوں میں تو اپنی کم ظرفی نہ چھپاؤ ، حسین کو جذبات کی بھینٹ نہ چڑھاؤ۔
حسین میراث ہے بنی نوع انسان کی
حسین پہ تسلط نہ جماؤ
وہ جس نے خون حق دیا ہے امت کے لیے
اسے امت کے لیے وجہ تنازع نہ بناؤ
حسین سب کے ہیں
انہیں فقط اپنا نہ بناؤ
کنور سنگھ بیدی کی نظم کا یہ حصہ بہت اچھا لگا
زندہ اسلام کو کیا تُو نے
حق و باطل کو دکھا دیا تُو نے
جی کے مرنا تو سب کو آتا ہے
مر کے جینا سکھا دیا تُو نے
یزیدیت کے دور میں تذکرہ حسین کرنا سعادت اخروی ہے لیکن اس کے ساتھ آج ہمیں سب سے زیادہ جس چیز کی ضرورت ہے وہ ہے
” کردار و اسوہ حسین پر عمل”
گرچہ سے تابدار ابھی گیسوئے دجلہ و فرات
قافلہ حجاز میں ایک حسین بھی نہیں
الف نظامی´s last blog ..آزادی و انقلاب کے امام
بہت ساری باتیں ہیں جو کہنا چاہتے ہیں لیکن فتنہ پیدا ہونے کے خدشے کے باعث نہیں کہہ پاتے۔ آپ نے بہت خوبصورت پیرائے میں وہ بات کہہ ڈالی۔ ہمارا المیہ یہی ہے کہ ہم جس کے نام لیوا ہوتے ہیں اسی کی پیروی نہیں کرتے۔
ابوشامل´s last blog ..بلاگ بھگوڑے کی سرگرمیاں
چند دنوںسے کچھ ایسا ہورہا ہے کہ جو بھی میرے دل میں ہوتا ہے وہ کوئی نہ کوئی بلاگر بیان کردیتا ہے، خرم صاحب نے بھی چند دن پہلے ایک تحریر لکھی تھی جو میرے دل کی آواز تھی۔۔۔
آپ کی تحریر اور اس پر ابو شامل کے تبصرے سے سو فیصد متفق ہوں۔۔۔
آپ جیسے سینئیر بلاگرز کو باقاعدگی سے لکھنے کی ضرورت ہے۔۔۔
اسے فرمائش بھی سمجھا جاسکتا ہے۔۔۔۔
جعفر´s last blog ..سینکڑا!
کچھ لوگ یزید کی صورت میں ابھی بھی موجود ہیں
جب تک لوگ باتیں کرنے والوں سے عمل کا ثبوت نہیں مانگیں گے یزیدیت کی دوکان پر حسینیت کا سائن بورڈ لگا رہے گا۔
خرم´s last blog ..ماں، بیوی، بیٹی اور بہن
الف نظامی:
صحیح کہہ رہے ہو نظامی ، آج اسوہ حسین پر عمل کی اشد ضرورت ہے
ابو شامل:
ضرورت اسی بات کی ہے کہ حق کو واضح کیا جائے اور کسی کے ناراض ہونے کی فکر نہیں کرنی چاہیے۔
جعفر:
یار میں کہاں کا سینئر ہوں ، بس پچھلے وقتوں میں بلاگ بنا لیا تھا جو سستیوں کے باوجود قائم ہے۔ انشاءللہ کوشش کرتا رہوں گا کہ جو سچ ہے وہ لکھتا رہوں اور ذرا باقاعدگی سے
فرحان دانش:
یزید وقت زرداری کی شکل میں قصر صدارت میں موجود تو ہے
محب علوی´s last blog ..حسین اور کاروبار یزید
خرم:
صحیح کہہ رہے ہیں خرم کہ جو شخص بھی بات کرے اس سے عمل کی دلیل مانگی جائے۔
محب علوی´s last blog ..حسین اور کاروبار یزید
آپ کو اور آپکے اہل خانہ کو نيا سال مبارک
آپ کو بھی نیا سال مبارک ہو اسما